AKB i kërkon ministrit Hamza zgjidhjen e problemit me autobusë

14:20 | 19 Shtator 2017
arbresh.info

Shefi i Aleancës Kosovare të Bizneseve, Agim Shahini, ka kërkuar nga Ministri i Financave, Bedri Hamza, të  arrihet një zgjidhje për kundërshtimet mes palëve në Stacionin e Autobusëve dhe agjencive të udhëtimit.

“Duhet të bisedohet me operatorët ekonomik. Duhet të diskutohet ajo rregullore dhe të gjendet një zgjidhje,” është shprehur Shahini në takimin e organizuar nga ministri Hamza me përfaqësues të odave ekonomike në Kosovë.

Pakënaqësitë burojnë nga një rregullore, përmes të cilës kërkohet nga qytetarët që të marrin biletën e udhëtimit brenda ambienteve të Stacionit.

Agjencitë kundërshtojnë një gjë të tillë, pasi thonë se po dëmtohen bizneset e tyre financiarisht./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm